Her

Nýjasta kvikmynd Spike Jonze hefur heldur betur heillað kvikmyndaáhugamenn upp úr skónum enda ekki von á öðru þegar myndin byggir á jafn skemmtilegri og frumlegri hugmynd og hér er raunin plús það að Joaquin Phoenix sér um leikinn. 

Mér fannst hún samt ekki eins frábær og ég bjóst við. Hugmyndin er góð og myndin er grípandi og skemmtileg á að horfa en mér fannst vanta betri hugmyndir til að þróa söguna. Ég hef til dæmis séð voða svipaða sögu sagða í Lars and the Real Girl þar sem Ryan Gosling lék einmana mann sem varð ástfangin af kynlífsdúkku sem hann pantaði á netinu. Auk þess bjóst ég við að verða heillaður upp úr skónum af Joaquin Phoenix en mér fannst hann bara þokkalegur í annars erfiðu hlutverki en hann er nánast alltaf á skjánum.

8/10