Brottnuminn timburmaður

Um aldir alda hefur spurningin um hvort við erum ein í alheiminum herjað á þenkjandi menn um víða veröld. En einn maður er handviss um að við séum ekki ein á svifi um alheiminn. Hann heitir Travis Walton og hann var árið 1975 brottnuminn af geimverum. Þetta er eitt best skrásetta málið um brottnám og skrifaði Walton bók um sína reynslu og svo var bíómyndin Fire in the Sky gerð árið 1993 sem fjallar um atvikið. Sú mynd er vel áhorfanleg og get ég mælt með henni fyrir áhugasama þó að hún fylgi ekki samviskusamlega  lýsingum Walton um hvað kom fyrir hann um borð í geimskipinu.

Ég segi nú bara fyrir mitt leyti að ég yrði vel pirraður á að vera brottnuminn af einhverjum flipphausum frá annari plánetu.